අප්‍රේල් 17 වන දින සුබ අස්න – ශු. ජොහාන් 6 : 16 – 21

16 සවස් වූ කල, උන් වහන්සේගේ ශ්‍රාවකයෝ මුහුදට ගොස්, 17 ඔරුවට නැඟී මුහුදෙන් එතෙර‍ කපර්ණවුමට යන්නට පිටත් වූ හ. රෑ බෝ වී තිබුණ නමුත්, ජේසුස් වහන්සේ ඒ තාක් ඔවුන් වෙත නො පැමිණි සේක. 18 තද සුළඟක් හැමූ බැවින් මුහුද කැළඹිණි. 19 ඔව්හු කිලෝමීටර් පහක් පමණ ඔරුව පැදගෙන ගිය කල, ජේසුස් වහන්සේ මුහුද මත ඇවිදිමින් ඔරුව ළඟට වඩින බව දැක බියපත් වූ හ. 20 එහෙත්, උන් වහන්සේ ඔවුන් අමතා, ”මේ මම ය, බිය නො වන්නැ”යි වදාළ සේක. 21 ඔව්හු උන් වහන්සේ ඔරුවට පිළිගන්නට සතුටු වූ හ. එකෙණෙහි ම ඔරුව ඔවුන් යමින් සිටි රටට පැමිණියේ ය.

Suba Asna - සුබ අස්න

FREE
VIEW